Маҳаллий нашрларнинг ёзишича, бу борада президентнинг “Аҳолининг соғлом овқатланишини таъминлаш борасидаги қўшимча чора-тадбирлар тўғрисида”ги қарори қабул қилинган.
Президент қарорида хориж давлатларидан унни бойитиш учун олиб кириладиган микронутриентларга ноль ставкали бож солиғи ўрнатилиши ҳам қайд этилган.
Хабарда айтилишича, бугунги кунда Ўзбекистон аҳолисининг 56 фоизга яқини бойитилган унни истеъмол қилади. Организмда темир танқислиги анемиясининг (камқонлик) олдини олиш учун аҳолининг 90 фоизи бойитилган ун истеъмол қилиши зарур.
Ўзбекистонга 2019 йилда импорт қилинган уннинг 30 фоизинигина бойитилган ун ташкил қилган.
2020 йилнинг 1 апрелидан Ўзбекистон ҳудудига фақат микронутриентлар билан бойитилган биринчи навли буғдой унини олиб киришга рухсат берилган эди.