Tut.by нашри манбаси эса АЭСда бир нечта кучланиш трансформаторлари портлаб кетганини билдирди.
Электростанция расман 7 ноябрь куни очилган, аммо электр ишлаб чиқаришни 3 ноябрдан бошлаган эди. АЭС Россия лойиҳаси асосида Россия томонидан берилган кредитга қурилган.
Tut.by нашри манбаси бундай воқеа аввал Ленинград атом электр станциясида бўлганини иддао қилган. Маълум қилинишича, мазкур авария радиация хавфини келтириб чиқармайди.
Беларус АЭСининг қурилиши экология фаолларининг кескин норозилигига сабаб бўлган, чунки мамлакатнинг катта қисми Чернобил АЭСида юз берган авария ортидан ҳалигача радиация хавфи остида қолмоқда.
Литва ҳам бу лойиҳага қарши чиққан. Беларус АЭСи Литва пойтахтидан 50 километр масофада жойлашган. АЭСнинг биринчи блокини қуриш жараёнида бир нечта авария юз берган эди.
Беларус ҳукумати эса АЭС мутлақо хавфсиз эканини ва халқаро стандартларга жавоб беришини билдириб келмоқда. Беларус ҳукумати Росатом билан яна бир АЭС ва тадқиот ўтказувчи реактор қуриш масаласини муҳокама қилмоқда.