Ссылки доступа

24 кас довталаби курсии президентӣ дар Қирғизистон шуданд


Барои иштирок дар интихоботи президентии Қирғизистон 25 кас номзадии худро пешниҳод кардааст. Вале дертар яке аз онҳо дархости худро бозпас гирифтааст.

Ба иттилои Комиссияи марказии интихоботии Қирғизистон, Асланбек Малиев, Содиқ Шер-Ниёз, Урустом Кабилбеков, Илгиз Товкеев, Бактибек Калмаматов, Жамбил Камчиев, Миктибек Арстанбек, Токтайим Уметалиева ва Элеонора Турдубекова 12 ноябр барои сабти номзадияшон ба мақоми президентии ин кишвар дар интихоботи пешорӯ ҳуҷҷат пешниҳод кардаанд.

Пештар низ Адахан Мадумаров, Арстанбек Абдилдаев, Кубан Чороев, Назарбек Нишанов, Бектур Асанов, Бакит Бакетаев, Канатбек Исоев, Абикаар Сидиков, Сазикбай Турдумалиев, Нурлан Мотуев, Рашид Тагаев, Женишбек Байкуттиев, Клара Сооронкулова, Аймен Касенов, Азамат Эсенбеков ва Кубаничбек Қодиров номзадии худро ба мақоми президентии Қирғизистон пешниҳод карда буданд.

Иҷрокунандаи вазифаҳои президент ва сарвазири Қирғизистон Содир Ҷабборов низ пештар гуфт, ки ба хотири иштирок дар интихоботи президентӣ аз мақомаш истеъфо хоҳад дод.

Интихоботи президентии Қирғизистон 10 январи соли 2021 баргузор мешавад. Сабти номи номзадҳо то 14 ноябр идома меёбад.

XS
SM
MD
LG