Агентлик, хусусан, 3 ноябрь куни бўлиб ўтган Президент сайловлари хавфсизлиги учун ҳам масъул эди. Аввалроқ, Кребс Трампнинг Демократик партия томонидан амалга оширилган катта фирибгарликлар ҳақидаги даъволарини тасдиқламаган эди.
Трамп ушбу кадрлар тўғрисидаги қарорни Twitterда эълон қилди.
“Крис Кребснинг яқинда 2020 йилги сайловлар хавфсизлиги тўғрисидаги баёноти ўта ноаниқ эди, чунки бу ерда жуда кўп қонунбузарликлар ва фирибгарликлар бўлган, шу жумладан ”ўликларга“ овоз бериш. Овоз бериш кузатувчиларига сайлов участкаларига киришга рухсат берилмаган, овоз бериш машиналарида носозликлар бўлган. Яна кеч овоз бериш ва бошқа кўп муаммолар ҳам бўлган. Шунинг учун, бугундан бошлаб Крис Кребс Компьютер ва инфратузилма хавфсизлиги агентлиги директори лавозимидан озод этилди “, — деди президент твитида.
Шу билан бирга, Трамп 2020 йилги сайловлар «чет эл кучлари учун амалда ўтиб бўлмас» бўлганини таъкидлади. Унинг айтишича бу унинг маъмурияти кўрсатган хизматидир.
Twitter Трампнинг Кребсни ишдан бўшатилганлиги ҳақидаги твитларини «Сайловдаги фирибгарликка оид ушбу даъво мунозарали» деган ёзув билан жойлаштирди.
Ўтган ҳафта Реутерс, Компьютер ва инфратузилма хавфсизлиги агентлиги раҳбари Трампнинг Демократик партиянинг катта фирибгарлиги ҳақидаги даъволарига қарши чиқиш уринишлари амалдаги президентнинг ғазабини қўзғатганлиги сабабли, унинг ҳамкасбларини эҳтимолий ишдан бўшатиш тўғрисида хабардор қилганини хабар қилди.
Сайлов жараёни тўғрисидаги нотўғри маълумотларни фош қилиш учун CISA томонидан ташкил этилган Rumor Management веб-сайти, айниқса, учта агентлик манбаларига кўра, Оқ уйда безовтавталик туғдирган.
Reuters-нинг таъкидлашича, Кребснинг ишдан олиниши тўғрисида эълон қилинганидан сўнг, кўплаб хавфсизлик бўйича мутахассислар уни қўллаб-қувватлаб, сўнгги икки йил давомида агентликни бошқарган CISA нинг собиқ раҳбари ҳеч қачон бирон бир томон фойдасига тарафкашлик қилмаганини таъкидладилар.
Айни пайтда Жоржия штати овозларни қайта санашда давом этмоқда. CNN томонидан келтирилган штат сайлов комиссияси вакили Габриел Стерлингнинг сўзларига кўра, процедура чоршанба куни тугаши керак — деярли 5 миллиондан фақат 300 мингга яқин бюллетень қолди.
Айни пайтда Трамп штатдаги 99% овозларни санаб бўлгандан сўнг, 49,2% қарши 49,2% билан Байдендан пастроқ натижа кўрсатмоқда.
Шу билан бирга, Трампнинг сайловолди гуруҳи Висконсиндаги овозларни қайта санашни сўраб мурожаат қилмоқда. Associated Press хабарига кўра, Висконсин штатидаги барча 72 округ ҳозирда ҳисоблаш жараёнини якунлади. Натижаларга кўра Байден тахминан 0,7 фоиз пунктга пешқадамлик қилмоқда.