Ссылки доступа

Нур-Султан акимчилигинин алдында катары менен эки нааразылык акциясы өттү (видео)


18-ноябрда үстөк акыны талап кылган медиктер жана майып балдарды тарбиялаган ата-энелер Нур-Султан акимчилигинин алдында нааразылык акциясын өткөрүштү.

Казакстандын борбор калаасында тез жардам станциясында иштеген кызматкерлер үч айдан бери адилеттүүлүк издеп келишет. Алар августка чейин коронавирус менен байланышта болушканы үчүн үстөк акы алып турушкан, күздөн бери бул төлөм токтотулганын билдиришүүдө. Аткаминерлер азыр алар ооругандар менен байланышта болбой калганын жүйө келтирген.

"Биз кандайча байланышта эмеспиз. Биз күн сайын бейтаптардан ПЧР-анализ алып жатабыз. Азыркыга чейин фельдшер кесиптештерибиз коронавирус жуктуруп алышууда", – деди фельдшер Оразкуль Мухаматова.

Тез жардам станциясынын кызматкерлери Башкы прокуратурадан тартып президентке чейин арыз менен кайрылышкан. Кайрылуу жаза берип тажаган 60тай фельдшер жана диспетчер Нур-Султан шаарынын мэри менен жеке жолугушууну чечкен. Бирок аларга мэр чыккан жок. Шаардык саламаттык сактоо башкармалыгынын кызматкерлери үстөк акы төлөө маселесин кайра карап чыгууга аракет жасалып жатканын билдирди.

“Ооба, ушундай көйгөй бар. Төрт ай төлөмдөр төлөнүп турду. Арыздарын негизинде айрым кызмат адамдарына мыйзамсыз үстөк акы берилгени боюнча кылмыш иши козголду. Буга байланыштуу төлөмдөр токтотулган”, – деди саламаттык сактоо башкармалыгын башчысынын орун басары Салтанат Алдабергенова.

Бул арада Нур-Султан акимчилигинин алдында майып балдарын баккан ата-энелер да нааразылык акциясын өткөрүштү. Алар ипотекалык турак жай программасы боюнча жеңилдик берүүнү талап кылышууда.

Акимчиликтен билдиришкендей, майып балдары бар ата-энелер аларды өзүнчө кезекке жазууну сурашууда. Мындай учурда жалпы кезекке турбай, тезирээк турак жай алууга мүмкүнчүлүк түзүлөт. Бирок бул маселени мыйзамдарга өзгөртүү киргизүү аркылуу гана чечүү мүмкүн.

Ушул тапта Нур-Султанда турак жай үчүн 47 миң киши кезекте турат. Алардын ичинен дээрлик 6 миңдейин майып балдарды тарбиялаган үй-бүлөлөр түзөт.

Видео

Видео

Соодасы солгундаган "Дордой"
пожалуйста, подождите

No media source currently available

0:00 0:15:49 0:00
XS
SM
MD
LG