Ссылки доступа

Каттақўрғон ва Ургутдаги COVID марказлари ёпилди


Самарқанд вилоятининг Каттақўрғон шаҳри ҳамда Ургут туманларидаги COVID марказлари ёпилди. “Дарё” нашрининг вилоят соғлиқни сақлаш бошқармасига таяниб хабар беришича, COVID марказлари Қаттақўрғонда 200 ўринга, Ургутда 500 ўринга мўлжалланган эди.

“Айни пайтда касаллик аниқланиши пасайган шу кунларда ушбу тақсимлаш марказига келувчи беморлар сони ҳам кескин камайган. Шу муносабат билан Каттақўрғон шаҳри ва Ургут туманидаги коронавирусни аниқлаш ва даволаш учун мўлжалланган марказлар ўз фаолиятини тўхтатган”,-дейилади хабарда.

Нашрнинг ёзишича, Самарқанд шаҳрида жойлашган тақсимлаш марказида ҳам беморлар сони кескин камайган. Бугунги кунда бу марказда 200 нафардан зиёд вирусга гумон қилинган беморлар даволанмоқда.

Президент Шавкат Мирзиёев бир неча кун бўлиб ўтган видеоселектор йиғилишида, COVID-19’га чалинганлар сони озайганини ва бу касаликка чалинганлар учун ажратилган ўринларнинг 62 фоизи бўш қолаётганини таъкидлаган эди.

Президент «улкан маблағлар бекорга сарф бўлмаслиги» учун бу марказларни оптимизация қилишга топшириқ берганди.

Аввалроқ Тошкентдаги Вирусология илмий текшириш институти клиникаси ва Республика эпидемиология, микробиология ва юқумли касалликлар илмий текшириш институти клиникаси ҳам одатий иш фаолиятига қайтгани ҳамда коронавирусдан бошқа юқумли касалликларга чалинган беморларга хизмат кўрсата бошлаганини ҳам маълум қилинганди.

XS
SM
MD
LG