Ссылки доступа

ТИВ хориждан келаётганларни Ўзбекистонга киришда ПЗР-тест топшириш мажбуриятидан огоҳлантирди


Жорий йил 25 декабридан Ўзбекистонга кириб келаётган шахслардан коронавирус инфекцияси антигенини аниқлаш экспресс тестини олиш тартиби жорий этилган.

Мазкур қарор, Ташқи ишлар вазирлиги маълумотига кўра, Республика махсус комиссияси томонидан Ўзбекистонга коронавирус кириб келиши ва тарқалишининг олдини олиш мақсадида қабул қилинган.

Вазирлик экспресс тест аэропортларда, темир йўл вокзалларида ва чегара пунктларида Ўзбекистонга келувчиларнинг ўз ҳисобидан амалга оширилишини, COVID-19 га топширилган ПЗР тестининг манфий натижаси тўғрисида маълумотномага эга шахслардан ҳам экспресс тест олинишини эслатган.

Қайд этилишича, экспресс тест натижалари мусбат чиққан тақдирда, беморлар коронавирус инфекциясини даволашга ихтисослашган тиббиёт муассасаларига жойлаштирилади ёки уй шароитида даволанишга йўналтирилади. ТИВ Ўзбекистонга келаётганлардан чегарадан ўтишда жорий этилган бу тартибни ҳисобга олишни сўраган.

Ўзбек расмийлари томонидан жорий қилинган бу тартиб ижтимоий тармоқларнинг ўзбек сегментида қизғин баҳсларга сабаб бўлмоқда. Айрим фойдаланувчиларга кўра, бу тартибни “мамлакатга кириш солиғини жорий этиш” ўлароқ баҳолаш мумкин.

XS
SM
MD
LG