Ссылки доступа

Қырғызстанда тұрғындардың жартысынан көбі табысының азайғанын мәлімдеген


Қырғызстанда пандемия кезінде отбасылардың 54% кірісі азайғанын мәлімдеген. Бұл туралы COVID-19 вирусының халыққа тигізген әсерін анықтау бойынша Ұлттық статистика комитеті жүргізген сауалнама нәтижесінде айтылады.

Мекеме мәліметіне қарағанда, 15 қазаннан 15 қарашаға дейін жүргізілген сауалнамаға 5 мың отбасы қатысқан. Ондағы нәтиже бойынша, отбасылардың жеке шаруашылығы 37%, үй шаруашылығында өндірілген өнімдерді сатудан түскен кіріс 16% және шетелден аударылған қаражат 16% азайған.

Бұдан бөлек сауалнамаға қатысқандардың 20% пандемиядан отбасының кем дегенде бір мүшесі жұмысын жоғалтқанын айтқан. Тағы 5% шетелде жұмыссыз қалған жақыны қайтып келуге мәжбүр болғанын айтқан.

2020 жылдың 11 айының қорытындысы бойынша Қырғызстанның ішкі жалпы өнімі 8,1% төмендеген. Алғашқы жарты жылдықта халықтың табысы 7,7% азайған.

XS
SM
MD
LG