Нашрнинг таъкидлашича, ХХР ҳукумати олимларга пандемиянинг асосий манбасини ўрганиш учун катта грантлар ажратади, аммо биронта ҳам мақола Си Зинпиннинг бевосита назорати остида ишлайдиган махсус комиссиянинг тасдиғисиз чоп этилмайди. Агентлик бу ҳақда фош бўлган ҳужжат туфайли хабардор бўлди.
Шу билан бирга, Хитой ҳукумати вируснинг мамлакат ташқарисида пайдо бўлиши мумкинлиги ҳақидаги версияни тарғиб қилишга уринмоқда, деб таъкидламоқда AP.
Асосий эътибор кўршапалаклар яшайдиган ғор жойлашган ҳудудга қаратилган — улар COVID-19 билан боғлиқ “прогенитор вирус» ташувчилари эканлигига ишонилади. Ушбу зонага аслида давлат томонидан кириш тақиқланган. У ерга боришга уринган AP мухбирларининг айтишича, «фуқаролик кийимида»ги хавфсизлик кучлари уларга эргашган, кейин эса уларга кириш йўлларини тўсиб қўйган, мақсад объектга яқинлашадиган йўл қўймаслик.
Йил бошидан буён Хитой ҳукумати томонидан назорат қилинадиган олимлар ҳайвонларни фаол равишда ўрганмоқдалар — биринчи навбатда худди шу кўршапалаклар — инфекциянинг асосий сабаби. Бироқ, ҳозирча ушбу масала бўйича ҳеч қандай иш чоп этилмаган, деб таъкидламоқда AP. Ҳукуматдан мустақил бўлган тадқиқотчилар учун Хитойнинг жанубида яшовчи тирик мавжудотларни ўрганиш ҳуқуқини олиш жуда қийин эканлиги айтилмоқда.