Ссылки доступа

АҚШлик 11 сенатор Байденнинг президентлик сайловидаги ғалабасига қарши чиқмоқчи


Дональд Трамп и сенатор Тед Круз на предвыборных дебатах в 2016 году
Дональд Трамп и сенатор Тед Круз на предвыборных дебатах в 2016 году

11 АҚШлик республикачи сенаторлар сайлов натижалари чиқарилгандан сўнг АҚШнинг сайланган президенти Жо Байденнинг ғалабасига қарши чиқмоқчи. Бу ҳақда Техас вакили Тед Крузнинг веб-сайтида эълон қилинган қўшма баёнотда айтилган.

2016 йилда у партиядан президентликка номзодлик учун ариза берган, аммо Доналд Трампга ютқазган.

Ушбу қонунчилар шу ҳафта бошида сайлов натижаларига эътироз билдиришини эълон қилган сенатор Жош Хоулига қўшилишади. Конгресснинг қуйи палатасидаги айрим республикачилар ҳам овоз беришга қарши чиқмоқчи.

Круз ва бошқа сенаторлар ўзларининг баёнотларида, амалдаги президент Трампнинг тарафдорлари томонидан овоз беришни бузилган деб номланган штатлардаги сайловчиларнинг овозларини чиқариб ташлаш учун овоз бериш ниятида эканликларини айтишди. Қонун чиқарувчилар фирибгарлик ҳақидаги даъволарни текшириш учун шошилинч комиссия тузишга чақирмоқчи.

Сенаторларнинг эълонлари асосан рамзий қадам бўлиб, Байденнинг ўз лавозимига келишига тўсқинлик қилиши мумкин эмас, деб таъкидлайди Америка Овози. Конгресснинг қуйи палатаси Демократик партия вакиллари томонидан назорат қилинади. Байденнинг ғалабасини аллақачон Сенатнинг бир қатор республикачилари, шу жумладан кўпчилик раҳбари Митч Макконелл ҳам тан олишган. Бундан ташқари, овоз бериш натижаларига эътироз билдириш тўғрисидаги даъволар судлар томонидан қабул қилинмайди ва сайловлар бўйича расмийлар президент сайловларида катта миқдордаги фирибгарликлар тўғрисида далиллар йўқлигини таъкидламоқдалар.

XS
SM
MD
LG