Ссылки доступа

Өзбекстанға келген 21 жолаушыдан коронавирус анықталды


В Ташкентском международном аэропорту очереди на тесты ПЦР.

Өткен аптада Өзбекстанға 12 елден 12 мыңнан астам жолаушы келді. Солардың 21-інен коронавирус анықталды. Бұл туралы Uzbekistan Airports әуе компаниясы хабарлады.

Республиканың арнайы штабының нұсқауымен, 25 желтоқсаннан бастап елге келген жолаушылар экспресс-тест тапсыра бастады.

Коронавирус жұқтырғаны анықталған 21 жолаушының қай елден келгені хабарланбады.

Экспресс-тест тапсыру 95 000 сум (9 доллар) тұрады. Студенттерге жеңілдік бар.

Анализ нәтижесі 10 минуттың ішінде белгілі болады.

Бұның алдында Ташкент әуежайында жолаушылар ұзын-сонар кезекке тұруға мәжбүр болғаны хабарланған.

Өзбекстан денсаулық сақтау министрлігінің мәліметінше, республикада 77 231 адамның коронавирус жұқтырғаны анықталған.

XS
SM
MD
LG