Қурилиш ишчилари касаба уюшмаси раиси Элдияр Карачаловнинг айтишича, номаълум шахслар жисмоний куч ишлатган, натижада полиция ва хавфсизлик ходимларининг ҳам аралашишига тўғри келган.
«Бизга лавозимни бўшатинг ва бинодан чиқиб кетинг, дейишди. Улар ҳужум қилиш даражасига етишди, ҳозир биз касалхонадамиз ва тиббий кўрикдан ўтмоқдамиз ”, — деди Карачалов.
Унинг фикрича, ҳужумчиларни Касаба уюшмалари федерациясининг яна бир раҳбари Мирбек Асанакуновнинг тарафдорлари қўллаб-қувватламоқда. Аммо Асанакунов тарафдорлари бу маълумотни рад этишмоқда.
25 декабрь куни Бишкекда икки хил йиғилиш бўлиб ўтди, унда касаба уюшмалари Федерацияси аъзолари икки хил етакчини сайладилар. Ушбу қарорларнинг қайси бири қонуний ва иккита сайланган раҳбарлардан қайси бири Касаба уюшмалари Федерацияси раиси лавозимини эгаллаши ҳанузгача аниқ эмас.
2017 йилдан буён Касаба уюшмалари федерациясини бошқариб келаётган Мирбек Асанакунов ундан норозилиги сабабли 2020 йил февралида лавозимни тарк этди. 5 февраль куни Федерация йиғилишида Асанакунов ишдан бўшатилгани эълон қилинди. Унга қарши намойишлар 2019 йилда, касаба уюшма аъзолари ушбу лавозимни ноқонуний эгаллаб олганлигини эълон қилганларида бошланган.