Дар Вазорати умури дохилии Қирғизистон гуфтанд, ки Тангировро баъди эътирози наздики 300 сокини маҳаллӣ аз вазифааш сабукдуш карданд. Ба иттилои хабарнигори бахши қирғизии Радиои Озодӣ сокинони Оқсу 4 январ ба нишони эътироз роҳи мошингарди Ала-Бука - Чаткал - Ҷалолободро бастанд.
Сокинони Оқсу баъди он даст ба эътироз заданд, ки пулис наздикони онҳо - Кутман, Тургун ва Жилдиз Шодибековҳоро бо гумони латтукӯб ва куштори сокини маҳаллӣ Уланбек Жаманкулов дастгир кард.
Занозанӣ дар ҷараёни тазоҳуроти 7 октябри соли 2020 дар шаҳри Кербени Ҷалолобод сар зад. Тазоҳургарон истеъфои ҳокими шаҳр Эсеналӣ Ормоналиевро талаб карда буданд. Ин талаб дар ҷараёни тазоҳуроти 4 январ ҳам садо дод. Бино ба баъзе маълумотҳо, ҳоким барои истеъфо додан аризаи худро пешниҳод кардааст.