Ссылки доступа

Ўзбекистон Тожикистоннинг жанубида COVID-19 билан касалланганларни қабул қилиш марказини қуради


Ўзбекистон расмий Душанбенинг илтимосига жавобан Тожикистон жанубида COVID-19 касалларини қабул қилиш марказини қуришга тайёрлигини билдирди, дея хабар қилмоқда маҳаллий ОАВлар.

Янги муассаса Хатлоннинг Кубодиён туманида, Ўзбекистон томонидан бунёд этилаётган тиббий марказ негизида қурилади. Шифохонани жиҳозлаш «Ўзбекнефтгаз»нинг маблағлари ҳисобидан амалга оширилади.

Расмий Тошкент қуриш ва жиҳозлашни режалаштирган COVID-19 беморларини қабул қилиш ва тақсимлаш марказининг бугунги кунда Тожикистонда муқобили йўқ.

Бу ерда ўрнатиладиган ускуналар одамда коронавирус инфекцияси борлигини тезда аниқлашга имкон беради, сўнгра аниқланган COVID-19 касалларини зудлик билан вилоят ва пойтахт шифохоналарига малакали ёрдам олиш учун юборади.

Кубодиёнда модернизация қилинган тиббиёт мажмуаси қурилиши Ўзбекистон томонидан 2018 йилнинг иккинчи ярмида бошланган ва қурувчиларнинг режаларига биноан у 2021 йилнинг баҳорига қадар беморларни қабул қилишга тайёр бўлади.

Марказ қурилиши 2018 йил март ойида Шавкат Мирзиёевнинг Душанбега ташрифи давомида маъқулланган ўзбек ҳукуматининг лойиҳаларидан биридир.

Бундан ташқари, келишувлар доирасида, Ўзбекистонни молиялаштириши ҳисобига, Сўғднинг Спитамен туманида янги мактаб 2020 йил сентябрь ойида фойдаланишга топширилди.

Аввалроқ Ўзбекистон кўмаги билан Қирғизистонда яна иккита шифохона қурилгани ҳақида хабар берилганди.

XS
SM
MD
LG