Ссылки доступа

Бесемнің әкесі отбасына Душанбеден пәтер беруін сұрайды (видео)


Бесемнің әкесі Рахмон Нурмородов.

Тәжікстанда Жаңа жыл алдында дүниеге келген бесемнің әкесі Рахмон Нурмуродов билікке қайрылып, отбасына Душанбеден пәтер беруін сұрады.

Бесем – екі ұл және үш қыз бір апта бұрын Душанбе перзентханаларының бірінде дүниеге келді. Олардың ата-анасы электр жарығы және жылуы жоқ ауылда сәбилердің жағдайын жасау қиынға соғатынын айтады.

"Ауылдағы үйімізде жағдай жоқ. Бұдан бөлек екі балам бар, ата-анам және туыстарыммен бірге тұрамын. Мен Душанбе қалалық кеңесінен және әкімнен пәтер беруін сұрадым. Бұл балалар үшін жақсы сыйлық болмақ", - дейді Нурмуродов.

Ол осыған дейін отбасын Ресейде жұмыс істеп бағып келгенін, бірақ қазір шекаралар жабылғаннан бері жұмыссыз отырғанын айтты.

Отец пятерняшек просит выделить его семье квартиру в Душанбе
пожалуйста, подождите

No media source currently available

0:00 0:02:18 0:00

Нурмуродовтар отбасы тұратын Хатлон облысының билігі оларға арнап Кубодиён ауданында үш бөлмелі жаңа үй салып беріп жатқанын жеткізді.

"Осыған дейін отбасына материалдық көмек берілді. Қазір құрылысшылар олардың ауласынан үш бөлмелі үйдің жоспарын жүргізіп жатыр. Үй үш бөлмеден тұрады, моншасы, асханасы болады", - деді әкімшіліктің баспасөз хатшысы Носирджон Маъмурзода.

2015 жылы дүниеге келген төртемнің ана-анасына Душанбе қаласынан үш бөлмелі пәтер берілген.

XS
SM
MD
LG