Ссылки доступа

«УзАвтоТрансСитинин» алданып калган кардарлары акчаларын кайтарып берүүнү талап кылууда (видео)


Өзбекстандын Бухара облусунда автоунаа сатып алуу үчүн «УзАвтоТрансСити» компаниясына миллиондогон сум акча төлөп, бирок алданып калган тургундар облустук соттун алдына чогулушту.

Буга чейин алар автоунааларын же акчаларын кайтарып алууга жардам берүү өтүнүчү менен облустук акимчилик менен президенттик администрацияга кайрылышканын, бирок эч кандай майнап чыкпаганын билдиришүүдө.

Чогулгандардын айтымында, «УзАвтоТрансСитинин» алданып калган кардарларынын саны 80ден ашат.

Өткөн жылы ноябрь айында «УзАвтоТрансСити» компаниясынын түзүүчүсү жана башкы директору Абдукаюм Шукуров менен дагы үч кызматкери «Алдамчылык» жана «Соода кылуу эрежелерин бузуу» беренелери боюнча күнөөлүү деп табылып, түрдүү мөөнөттөргө эрктеринен ажыратылган. Бирок бүгүнкү күнгө чейин алданып калган кардарларга акчаларын кайтарып берүү маселеси ачык бойдон калууда.

Облустун Зарина Мехмонова аттуу тургуну эки жыл мурда автоунаа сатып алуу үчүн «УзАвтоТрансСити» компаниясына 23 миллион сум (азыркы курс боюнча 2200 доллар) төлөгөн. Бирок андан бери же автоунааны, же берген акчасын ала албай келет.

– Менде акча төлөгөнүмдү ырастаган дүмүрчөк кагаздар бар. Андан бери эки жыл өттү. Алдамчылар камакка алынганы менен акчабызды эч ким кайтарып берген жок. Сотко кайрылсак Мажбурлап аткартуу бюросуна кайрылууну сунушташты. Ал жердегилер эч нерсе кыла албай тургандыктарын айтышты. Андан кийин облустук акимчиликке, президенттин кабылдамасына да кайрылдык. Азырынча эч кимиси жооп бере элек», — деди ал.

Обманутые клиенты просят взыскать с ООО «УзАвтоТрансСити» деньги, внесенные на покупку автомобилей
пожалуйста, подождите

No media source currently available

0:00 0:04:20 0:00

«УзАвтоТрансСити» компаниясына алданып калгандардын арасында Орусияда иштеп, топтогон акчасын автоунаа сатып алууга бергендер да бар.

– Мен Орусияда алты жыл иштеп чогулткан акчамды бергем. Автоунаа алып мекенимде иштесемби дегем. Андан бери эки жыл өтүп, сумдун курсу төмөндөп, мен алууну каалаган автоунаалар кымбаттады. Бул маселе боюнча облустук сотко, прокуратурага кайрылдык, бирок азырынча эч кандай жыйынтык жок», — деди облустун Бахыдыр Шарипов аттуу тургуну.

Анын айтымында, аталган компанияга алданып калгандардын арасында автоунаа сатып алуу үчүн банктардан ири өлчөмдө насыя алып, азыр төлөй албай жаткан жарандар да бар.

XS
SM
MD
LG