Бұның алдында тұрғындар облыс әкімшілігіне, Өзбекстан президентінің қабылдау бөліміне арызданған, бірақ олардың шағымдары жауапсыз қалған.
«УзАвтоТрансСити» фирмасына 80-нен астам адам алданып қалған. Олардың арасында автокөлік сатып алу үшін банктен несие туырлағандар да бар.
Фирманың бас кеңсесі Бұхара облысындағы Шафиркан ауданында орналасқан. Компанияның құрылтайшысы әрі бас директоры Абдукаюм Шукуров пен осы фирманың тағы үш қызметкері былтыр қарашада сотталды. Оларға алаяқтық жасау, сауда ережесін бұзу қылмыстары бойынша айып тағылды.
Бұхара облысы, Каравулбазар ауданының тұрғыны Зарина Мехмонова екі жыл бұрын «УзАвтоТрансСити» фирмасына 23 млн сум (2200 доллар) төлеген, бірақ ол Spark маркалы автокөлікті әлі алмаған. Енді ақшасын қайтара алмай жүр.
«Алаяқтарды ұстады, бірақ бізге ақша қайтармады. Біз облыс әкімшілігіне, президенттің қабылдау кеңсесіне шағымдандық. Жауап жоқ», - дейді Мехмонова.
