Олдинроқ жамоага 12 мамлакатдан мутахассислар киритилиши айтилган эди. Миссия фақат икки ҳафталик карантиндан кейин иш бошлаши мумкин бўлади.
Мутахассислар маҳаллий олимлар, шифокорлар билан мулоқот қилишади ва 2019 йил охирида дастлабки юқтиришнинг асосий манбаи ҳисобланган шаҳарнинг ёввойи табиати ва денгиз маҳсулотлари бозори билан боғлиқ вазиятни ўрганадилар.
Сафар бошланишидан олдин ЖССТ ва ХХР ҳукумати ўртасида бир неча ойлик музокаралар бўлиб ўтди. Жаҳон соғлиқни сақлаш ташкилотининг расмийлари январь ойи бошида бир мутахассиснинг киришига рухсат берилмагани ва бошқа мутахассиснинг йўлда кечиктирилиши сабабли миссия аъзолари Хитойга киритилмагани ҳақида шикоят қилдилар. Кейин Пекин буни тушунмовчилик натижаси деб атади.
ЖССТ экспертларининг биринчи гуруҳи 2020 йилда Хитойга ташриф буюрган. Унинг иштирокчилари зооноз келиб чиқиши вируси одамга кўршапалакдан юқиши мумкин деган хулосага келишди, аммо умуман инфекция манбаи масаласини очиқ қолдирдилар.
Айни пайтда ЖССТ коронавирус пандемиясининг иккинчи йили биринчи йилга қараганда қийинроқ бўлиши мумкин деб ҳисоблайди. Бу ҳақда Жаҳон соғлиқни сақлаш ташкилотининг шошилинч дастури директори Майкл Раян айтиб ўтди.
«Биз [пандемия] нинг иккинчи йилига кириб келмоқдамиз ва бу вирус тарқалиш динамикаси ва биз кўриб турган баъзи қийинчиликларни ҳисобга олган ҳолда янада қийинлашиши мумкин», деди Раян.
ЖССТ яқинда CОВИД-19 касаллиги пандемия бошланганидан бери ҳафталик рекорд даражага етганлиги ҳақида хабар берди. Кун давомида вирус беш миллион одамда аниқланди. Аввало, Америкада касалланишнинг кучли ўсиши кузатилмоқда — янги касалликларнинг 51% ва бир ҳафта ичида ўлимнинг 45% у ерда қайд этилган.
Ташкилот маълумотларига кўра, дунё бўйлаб 90,33 миллион кишига коронавирус ташхиси қўйилган. Пандемия пайтида 1,95 миллион киши инфекциядан вафот этди.