Ссылки доступа

Өзбекстанда Мажбурлап аткартуу бюросунун аракетине нааразы болгон аял өз жанын кыюуга аракет кылды (видео)


Фергана шаарынын 42 жаштагы тургуну Фатима Усмонова Мажбурлап аткартуу бюросунун кызматкерлеринин аракетине нааразылык билдирип, өзүнө өрт коюуга аракет кылды.

Коңшуларынын айтымында, окуя 15-январда болгон. Усмонова Ташкентте дарыланып жүргөндө Мажбурлап аткартуу бюросунун кызматкерлери анын үйүнүн эшигин бузуп кирип, буюмдарын сыртка чыгарып коюшкан. Буга нааразы болгон үй ээси үстүнө бензин чачып, өзүн өрттөөгө аракет кылган. Бирок коңшулары анын колунан ширеңкени тартып алууга жетишишкен.

Фатима Усмонованын айтымында, 2013-жылы ал үй сатып алуу үчүн банктардын биринен 80 миллион сум (азыркы курс боюнча 7,6 миң доллар) насыя алган. Ипотекалык келишимдин негизинде ага 18% үстөк менен 10 жылдык мөөнөткө 80 миллион сумга бааланган үй берилип, күрөө катары катталган.

«Бул үйдү мен 23 миң долларга сатып алгам. Аны өз атыма каттатканда банктан ипотекалык насыя алып, аны күрөөгө койгом. 2017-жылы жумушсуз калып, насыяна төлөй албай калгам. Кийин банк менен тынчтык келишимге кол коюп, туумдарды төлөгөм. Бирок 2019-жылы кайра беш ай төлөй албай калгам. Мен жумушсуз калганымды айтып, туумдарын төлөөгө макулдук бергем. Бирок банк мага кабар бербестен эле үйүмдү аукционго коюп, сатып жибериптир. Мен аны 10 жылдык мөөнөткө алгандыктан, менде дагы убакыт бар болчу. Мен банкка 135 миллион төлөдүм, болгону 33 гана миллиону калган», — деди Усмонова.

3,5 ай мурда Намангандын тургуну Мажбурлап аткартуу бюросунун кызматкерлеринин аракетине каршылык билдирип өзүнө өрт коюп каза болгон. Маркумдун туугандары инспекторлор аны эки жыл мурда сатып алган үйүнөн мажбурлап чыгарууга аракет кылышканын айтышкан.

2020-жылы ноябрда Анжияндын тургуну кызынын өлүмү боюнча жүрүп жаткан тергөө иштерине нааразылык катары өзүнө өрт койгон. Аны укук коргоо органдары сактап калууга үлгүрүшкөн.

Видео

Видео

Баекова: Аскар Акаев мага басым кылган эмес
пожалуйста, подождите

No media source currently available

0:00 0:45:24 0:00
XS
SM
MD
LG