Ссылки доступа

Жо Байден АҚШ президенти сифатида қасамёд қилди


Джо Байден с женой Джилл и Камалой Харрис

АҚШнинг 46-президенти Жо Байден 20 январь куни АҚШ президенти сифатида қасамёд қилди. Вашингтондаги инаугурация маросимида вице-президент Камала Харрис у билан қасамёд қилди.

Маросим томошабинларсиз аммо, 20 мингдан зиёд аскарлар иштирокида ўтказилди: 24 январга қадар АҚШ пойтахтида собиқ президент Доналд Трамп тарафдорларининг эҳтимолий норозилиги сабабли фавқулодда ҳолат жорий қилинган. Улар коронавирус пандемияси туфайли Вашингтон маъмурлари шаҳар аҳолисига уйда қолишни қатъий тавсия қилдилар ва маросимда томошабинлар ўрнида 190 мингдан зиёд Америка байроқлари жойлаштирилди.

Инаугурация маросимида анъанавий равишда АҚШнинг собиқ президентлари иштирок этишади. Бироқ, Доналд Трамп 3 ноябрь куни бўлиб ўтган АҚШ президентлик сайловларида Демократик партиядан номзод Байденнинг ғалабасини тан олишдан бош тортди. Шунингдек, у Оқ уйда унинг ўрнини босувчи шахснинг инаугурациясида қатнашишдан бош тортди: 20 январь куни эрта тонгда Трамп Флорида штатидаги ўз мулкига учиб кетди. Унинг ўрнига маросимда Трамп вице-президенти Майк Пенс, шунингдек, бир неча собиқ президентлар иштирок этди: Билль Клинтон рафиқаси Хиллари билан, Барак Обама рафиқаси Мишел ва қизлари билан, ва Жорж В.Буш рафиқаси Лаура билан. Маросимда Байденнинг ўғли Хантер ҳам иштирок этди.

Тантанада қолган меҳмонлар бир-биридан етарлича узоқроқ турган стулларда ижтимоий масофада ўтиришди.

Инаугурация маросимида хонанда Леди Гага АҚШ мадҳиясини ижро этди. Байден Америка Қўшма Штатлари Олий суди раҳбари Жон Робертс томонидан қасамёд қилди: Байден оиласининг Инжилига қўлини қўйиб, қасамёд қилди. Олий суд судьяси Сония Сотомаёр вице-президент Камала Харриснинг қасамёдини қабул қилди.

Қасамёддан сўнг Президент Жо Байден ва вице-президент Камала Харрис ҳарбий парад ўтказдилар ва кейин Арлингтон миллий қабристонига кортеж билан йўл олдилар, у ерда номаълум аскар мақбарасига гулчамбар қўйиш маросимида қатнашдилар.

XS
SM
MD
LG