Ссылки доступа

Тожикистонда талаба пичоқ билан Технология университети деканига ҳужум қилди


Музаффар Имомназаров

Тожикистон Ички ишлар вазирлиги Тожикистон Технология университети талабаси томонидан Халқаро менежмент ва маркетинг факультети деканига қилинган ҳужумга изоҳ берди.

28 январь куни содир бўлган ҳодиса натижасида декан Музаффар Имомназаровнинг ошқозонига пичоқ билан жароҳат етказилган ва у касалхонага ётқизилган, деб хабар қилди ҳуқуқни муҳофаза қилиш идораси матбуот маркази.

Аввалроқ Тожикистон Технология Университетидаги манбанинг айтишича, талаба имтиҳонлардан ўта олмаган, бунинг учун декан талабанинг отасини суҳбатга таклиф қилган. Маълум қилинишича, кейинчалик талаба деканни зўравонлик билан қўрқитган.

Халқаро менежмент ва маркетинг факультети декан муовини Нарзулло Салоховнинг айтишича, Музаффар Имомназаров “Караболо касалхонаси» номи билан машҳур бўлган Миллий тиббиёт марказида биринчи операцияда тўрт соат, иккинчисида эса беш соат бўлган. Унга кўра, деканнинг ҳаёти хавф остида эмас.

Рудакий тумани Сарикишти қишлоқ кенгашида туғилган ўқувчига нисбатан жиноий иш қўзғатилди, қотилликка уриниш моддаси билан, у ҳибсга олинган, тергов ҳаракатлари олиб борилмоқда.

Музаффар Имомназаров, иқтисод фанлари номзоди, 2019 йил 1 февралдан Тожикистон Технология Университетининг Халқаро менежмент ва маркетинг факультети декани лавозимида ишлаб келмоқда.

XS
SM
MD
LG