Мекеме мәліметіне қарағанда, былтыр қырғыз-тәжік шекарасында тоғыз, қырғыз-өзбек шекарасында үш жанжал болған.
Соған қарамастан шекара қызметі 2020 жылы мемлекеттік шекарадағы жағдай тұрақты болды деп атап өтті.
Қырғыз-тәжік шекарасының ұзындығы 976 шақырым. Оның ішінен 519 шақырымы делимитация және демаркациядан өтіп, қалған бөлігі белгіленген емес.
Қырғыз-өзбек шекарасының ұзындығы 1378 шақырымды құрайды. Оның 1170 шақырымы 85% белгіленген. Қырғызстан мен Өзбекстан ортасында талас туғызып келе жатқан тоғыз аймақ бар. Шекараның реттелмеген бөліктерінде тұрғындар жер және суға таласатын жағдай жиі кездеседі.