Ссылки доступа

Тожикистон Бош прокурори: Махмурод Одинаев тергов пайтида калтакланмаган


Махмурод Одинаев

Тожикистон Бош прокуратураси Тожикистон Социал-демократик партияси раисининг ўринбосари ва ижтимоий тармоқ фаоли Махмурод Одинаевнинг калтакланганини рад этди. Охирги суд мажлисида Одинаевнинг ўзи тергов пайтида калтакланганини айтган.

Тожикистон Бош прокуратураси Интернетда ижтимоий тармоқлардан фаол фойдаланган Тожикистон Социал-демократик партияси раисининг ўринбосари Махмурод Одинаевнинг калтакланишини рад этди. Охирги суд мажлисида Одинаевнинг ўзи тергов пайтида калтакланганини айтган.

Тожикистон Бош прокурори Юсуф Раҳмон 2 февраль куни бўлиб ўтган матбуот анжуманида Одинаевни ҳеч ким калтакламаганлигини айтди: «У калтакланди деган барча гаплар ёлғон ва провокациялардир».

Одинаевнинг қариндошларининг сўзларига кўра, ҳибсга олиш пайтида қийноққа солиниши натижасида сиёсатчининг умуртқаси жароҳатланган. Ҳукм чиқарилишидан олдин мухолифатдаги сиёсатчининг ўзи калтакланганини айтди.

Шунингдек, Юсуф Раҳмон Махмурод Одинаевга нисбатан унинг айбдорлигини исботловчи етарли далиллар тўпланганлигини қўшимча қилди.

28 январь куни Рудаки Одинаев туман суди 14 йилга озодликдан маҳрум қилди. Судья уни безорилик ва «Тожикистон конституциявий тузумини зўравонлик билан ўзгартиришга оммавий даъват қилиш» да айбдор деб топди. Аммо Одинаевнинг ўзи ва унинг қариндошлари суд ҳукмини адолатсиз деб ҳисоблайдилар ва юқори идораларга шикоят қилишларини эълон қилишди.

Махмурод Одинаев ўтган йилнинг декабрида ҳибсга олинган, унинг суд жараёни 25 январда бошланган. Аввалроқ прокуратура уни 15 йилга, ўғли Ҳабибулло Ризаевни эса тўрт йилга озодликдан маҳрум этишни талаб қилганди.

Маҳмурод Одинаевнинг ўғли Ҳабибулло Ризаев суд қарори билан 58 минг сомоний (5 минг доллардан ортиқ) миқдорида жаримага тортилди.

Махмурод Одинаевнинг исми маҳбус Ҳамза Икромзоднинг ўлими ҳақидаги шов-шувли ишда гувоҳ бўлган ўғли Суннатулло Ризаевнинг қийноққа солингани ҳақида эълон қилганидан кейин матбуотда пайдо бўлди. Кейинчалик, Ризаев ёлғон маълумот тарқатишда ва ахлоқ тузатиш муассасасида ишлаш тартибини бузганликда айбдор деб топилди.

Сиёсатчи тез-тез ижтимоий тармоқларда Тожикистон ҳуқуқни муҳофаза қилиш органларининг ҳаракатларини танқид қилди.

Одинаевнинг қариндошларининг сўзларига кўра, у 20 ноябрь куни у ўзининг Facbook-даги саҳифасида Душанбеда мери Рустам Эмомалига пойтахтнинг марказий майдонида намойиш ўтказишга рухсат беришни сўраб мурожаат қилганидан кейин ғойиб бўлган. Икки ҳафтадан сўнг у Душанбе шаҳрида ҳибсга олинган.

Мухолифат гуруҳлари Махмурод Одинаев ва унинг ўғилларига нисбатан ҳибсга олишлар ва ҳукмларни «асоссиз» деб аташди ва уларни унинг сиёсий фаолияти ва ҳукуматни доимий танқид қилиш билан боғлашди.

XS
SM
MD
LG