Ссылки доступа

Таркиш дар яке аз сохтмонҳои баландошёнаи Бухоро: 12 кас осеб дидааст


Вазорати ҳолатҳои фавқулодаи Узбекистон хабар дод, ки шаби 4 феврал дар яке аз сохтмонҳои баландошёнаи кӯчаи ба номи Ислом Каримови шаҳри Бухоро таркиш рух додааст.

Таркиш дар ошёнаи севум ба амал омада, дар натиҷа 12 кас осеб дидаанд. Дар бораи талафоти ҷонӣ хабар дода нашудааст.

Ҳамаи захмиҳо дар беморхона бистарӣ шуда, вазъи бархе аз онҳо вазнин гуфта мешавад.

Дар робита ба ин ҳодиса бо банди "Нақзи қоидаҳои зидди сӯхтор, ки оқибатҳои ногуворро дар пай дорад" парванда боз шудааст. Тафтиши ҳодиса таҳти назорати додситонии вилояти Бухоро қарор дорад.

XS
SM
MD
LG