Ссылки доступа

АҚШ президенти Алексей Навалнийни зудлик билан озод қилишга чақирди


Ҳибсга олинган Россия оппозицияси раҳбари Алексей Навалний зудлик билан озод қилиниши керак. Бу ҳақда пайшанба куни АҚШ президенти Жо Байден Давлат департаменти расмийлари билан учрашувда маълум қилди.

Президент Байден Россия президенти Владимир Путин билан яқинда бўлиб ўтган телефон суҳбатига ҳам ишора қилди. Байденнинг сўзларига кўра, суҳбатда у АҚШнинг Россия фаолиятига таслим бўлган вақтлари тугаганлигини таъкидлади. Россиянинг бундай ҳаракатлари орасида президент сайловларга аралашиш ва киберҳужумларни тилга олди.

Шу билан бирга, Байден тингловчиларга Москва ҳали ҳам Америка демократиясига зарар етказишга қарор қилганлигини айтди. «Агар биз шерикларимиз билан келишган ҳолда ҳаракат қилсак, Россияга қарши самарали курашишимиз мумкин бўлади», деб қўшимча қилди президент.

Америка раҳбари ўз нутқида Вашингтон ва халқаро ҳамжамият ўртасидаги яқин ҳамкорликни тиклаш ниятида эканлигини ҳам таъкидлади.

Аввалроқ Демократик ва Республикачилар партияларидан бир гуруҳ сенаторлар АҚШ Конгрессига «Россияни зарарли фаолияти учун жавобгарликка тортиш тўғрисида» қонун лойиҳасини тақдим этишган эди. Унда, хусусан, Навалнийнинг заҳарланишида ва Россияда Новичок кимёвий уруши агентини яратишда иштирок этган россиялик мансабдор шахсларга нисбатан мақсадли санкциялар қўлланилиши таклиф қилинган.

Россия Навалнийнинг заҳарланишига алоқадорлигини рад этади.

XS
SM
MD
LG