Ссылки доступа

Қырғызстан мен Өзбекстан шекарадағы даулы жерлерді тезірек рәсімдеу қажет деп есептейді


Пограничники Кыргызстана. Иллюстративное фото.

Қырғызстан премьер-министрі Ұлықбек Марипов Алматыда Өзбекстан премьер-министрі Абдулла Ариповпен кездесті. Олар екі ел арасындағы шекараны делимитациялау мәселесін де талқылаған.

Қырғыз үкіметі баспасөз қызметінің хабарлауынша, екі елдің үкімет басшылары қырғыз-өзбек шекарасында мәртебесі анықталмаған жерлерді тезірек рәсімдеу қажет деп мәлімдеген.

Қырғыз-өзбек шекарасы 1378 шақырымға созылып жатыр. Соның 1170 шақырымының немесе 85 пайызының мәртебесі анықталған. Қырғызстан мен Өзбекстан арасында 9 даулы жер бар, онда екі елдің азаматтары үнемі жанжалдасып қалып жүр.

Қырғызстан мемлекеттік шекара қызметінің мәліметі бойынша, 2020 жылы Қырғызстанның көрші елдермен шекараларында 12 жанжал тіркелген. Қырғыз-тәжік шекарасында 9 дау болса, қырғыз-өзбек шекарасында үш жанжал шыққан.

Премьер-министр Ұлықбек Марипов Алматыда Еуразиялық үкіметаралық кеңестің кезекті жиналысына қатыстып жүр.

XS
SM
MD
LG