Ссылки доступа

Тәжікстанда пневмониядан қайтыс болған 8 адамның туыстары сақтандыру бойынша ақша алды


Тәжікстанда пневмониядан қайтыс болған сегіз адамның туыстары сақтандыру бойынша өтемақы алды. Бұл туралы "Тажиксугурта" мемлекеттік сақтандыру компаниясының басшысы Шахрат Максудзода мәлімдеді.

Оның сөзінше, өтемақыны алты мемлекеттік қызметкердің және екі әскери қызметкердің туыстары алды. "Мемлекеттік қызметкерлердің туыстары сақтандыру бойынша сегіз айлық көрсеткіш көлемінде, әскери қызметкерлердің туыстары 6 мың сомони (530 доллар) көлемінде өтемақы алды", - деді Максудзода.

"Тажиксугуртаның" басшысы өлкенің "Сақтандыру туралы" заңына коронавирустан сақтандыру бойынша өзгертулер енгізгенін жеткізді. Сақтандырудың бұл түрі мемлекеттік шенеуніктер мен әскери қызметкерлер үшін міндетті болып есептеледі.

Тәжікстанның денсаулық сақтау министрлігі 7 ақпандағы есеп бойынша елде коронавирус жұқтырғандар 13 308-ге жетіп, 90 науқас қаза болғанын мәлімдеді.

Бірақ бұл мәліметтерге тұрғындар сенбейді. Биресми мәліметке сәйкес, 2020 жылы коронавирустан кемінде 450 тәжікстандық көз жұмған.

Тәжікстанда 20-ға тарта сақтандыру компаниясы жұмыс істейді. Олардың екеуі — "Тажиксугурта" мен "Тажиксармоягузор" мемлекеттік болып есептеледі.

XS
SM
MD
LG