Бу ҳақда Реутерс томонидан танишиб чиқилган БМТнинг махфий ҳисоботида айтилган.
Ҳисоботда айтилишича, Пхенян «бўлинадиган материаллар ишлаб чиқарган, ядровий иншоотларни сақлаб қолган ва баллистик ракета инфратузилмасини янгилаган», шу билан бирга ушбу дастурлар учун материаллар ва технологияларни чет элда қидиришда давом этмоқда, деб хабар беради Америка Овози.
Давлат департаменти вакили маъмурият янги ёндашувни, шу жумладан иттифоқчилар билан «ҳар қандай дипломатиянинг босим ва имкониятларини» тўлиқ кўриб чиқишни режалаштираётганини айтди.
Шимолий Корея етакчиси Ким Чен Ин ва АҚШнинг собиқ президенти Доналд Трамп 2018 ва 2019 йилларда уч марта учрашган, аммо Пхеняннинг ядровий чиқиб кетиши ва Шимолий Кореянинг санкцияларни бекор қилиш талаблари бўйича муваффақиятга эриша олмаган. Ўтган йили Шимолий Корея янги ўрта ва қисқа масофали баллистик ракеталар ва қитъалараро баллистик ракеталарни намойиш этди.
БМТ ҳисоботида айтилишича, БМТнинг номаълум аъзоси бўлган давлат Шимолий Кореянинг ракеталарини «ядро қурилмаси» узоқ, ўрта ва қисқа масофага учадиган баллистик ракеталарга жойлаштирилиши эҳтимоли юқори деб ҳисобламоқда. «Бироқ, аъзо давлат КХДР атмосферага кириш натижасида ҳосил бўладиган иссиқликка бардошли баллистик ракеталарни ишлаб чиқарганига амин эмаслигини айтди», дейилади хабарда.
2020 йилда ядровий ва баллистик ракета синовлари ўтказилмаган бўлсада, Пхенян «янги баллистик ракета жанговар каллакларини синовдан ўтказиш ва ишлаб чиқаришга ҳамда тактик ядро қуролларини ишлаб чиқаришга тайёрлигини эълон қилди».
Шимолий Кореянинг Ню-Ёркдаги БМТ ваколатхонаси ҳисоботга изоҳ бериш талабига дарҳол жавоб бермади.
2018 йилда Шимолий Корея ядро синовларини тугатишга содиқлигини намойиш қиляпмиз деб, ўзининг асосий Пунгҳери ядро полигонидаги туннелларни портлатди. Бироқ, номаълум аъзо давлат БМТ кузатувчиларига ушбу объектда ҳали ҳам ишчилар борлигини айтди, бу объект тарк этилмаганлигини кўрсатмоқда.
Шимолий Корея ва Эрон узоқ масофаларга мўлжалланган ракеталарни ишлаб чиқиш лойиҳалари, шу жумладан муҳим қисмларини ўтказиш бўйича ҳамкорликни қайта тикладилар, дейишди БМТ кузатувчилари. Уларнинг сўзларига кўра, сўнгги етказиб бериш ўтган йили бўлиб ўтган.