Ссылки доступа

Ангрендаги мактаб ўқитувчиси ўзи калтаклаган ўқувчидан узр сўради


Uzbekistan - Teacher beats up student

Тошкент вилояти Ангрен шаҳар халқ таълими бўлими 41- ўрта мактаб ўқитувчиси ўзи калтаклаган ўқувчидан узр сўраганинимаълум қилди. Аввалроқ ўқитувчи ўқувчисини калтаклаётгани акс этган видео ижтимоий тармоқларга тарқалиб кетган эди.

Ангрен шаҳар халқ таълими бўлими мудири Роҳила Абдуқодированинг билдиришча, бу воқеа 4 февраль куни 41- ўрта мактабда бўлиб ўтган.

Расмий билдирувда таъкидланишича, 9-“В” синф ўқувчиси Асадбек Қубиддинов дарс пайтида биология фани ўқитувчиси З.Турдиевани мазахлаган ва дарс жараёнига халақит берган.

Ўқитувчи унга беш марта огоҳлантириш берган, аммо шунга қарамай ўқувчи дарсга ҳалақит қилишда давом этган.

Шундан сўнг: “ўқитувчи З.Турдиева ўқувчи А.Қубиддиновнинг курткасини устидан бир мушт тушурди. Ўқувчи А.Қубиддинов ўқитувчи З.Турдиевага “Сиз боксёрсиз, яна мушт тушуринг” деб ўқитувчини қуюшқондан чиқаргани учун ўқитувчи жаҳл устида ўқувчига бир неча бор мушт тушурган”,-дейилади расмий билдирувда.

Маълум қилинишича, ўқувчи ўқитувчи З.Турдиевадан узр сўраб, қилган ишидан минг бор пушаймон эканглигини маълум қилди ва “ўқитувчи билан ўзаро келишиб олишди”. Ўқитувчи ҳам ўқувчи ва унинг ота онасидан кечирим сўради.

XS
SM
MD
LG