Як ҳамсуҳбати мо ба шарти ифшо нашудани номаш гуфт, дар назди бахши нави корхонаи "Артел" ҳудуди 20 ҳазор одам ҷамъ шуда буд.
"Мардум аз ҳамаи ноҳияҳои Хоразм дар назди дарвозаи корхона ҷамъ шуда буданд. Дарвозаи корхона баста буд ва касе ҳам аз дохил ба назди ҷамъшудаҳо набаромад. Сипас кормандони мақомоти ҳифзи ҳуқуқ омада, гуфтанд, ки инҷо истодан бефоида аст ва корхона наметавонад, ҳамаи шуморо ба кор гирад ва моро пароканда карданд", - изҳор дошт ҳамсуҳбати мо.
Ба ҳисоби Вазорати шуғл ва муносибатҳои кории Узбекистон, сатҳи бекорӣ дар миёни қишри фаъоли аҳолӣ аз нигоҳи иқтисодӣ беш аз 13 дарсадро ташкил медиҳад.
Вале ба гуфтаи блогер Шерзод Ботиров, таҷаммуи 9 феврал дар назди бахши нави "Артел" нишон медиҳад, ки сатҳи воқеии бекорӣ дар Узбекистон чандин баробар бештар аз арқоми расмӣ аст.