Акцияға келген отыз жақты адам Баткен және Жалал-Абад облыстарының тұрғындары екенін айтты. Олар үкіметтен шекара мәселесінің тезірек шешілгенін, көрші елдермен келіссөздерге қатысты ақпараттың жариялануын талап етті.
12 ақпанда Баткен облысындағы Ак-Сай ауылында шамамен 50 адам жиналып, тәжік шекарашылары 8 ақпаннан бастап Тандыр жайлауын бақылауға алғанын, онда ауыл тұрғындарын жібермей жатқанын айтты.
Сол күні Жалал-Абад облысының Ала-Букин ауданында жергілікті тұрғындар мен Шекара қызметінің өкілдері кездесті. Олар Кош-Болот жеріне қатысты мәселені талқылады. Жергілікті тұрғындар өзбек шекарашылары қоршау орнатқан соң, жайылым тарылды деп шағымданды.
Қырғыз-тәжік шекарасы 976 шақырым болады, соның 519 шақырымы анықталған.
Қырғыз-өзбек шекарасы 1378 шақырымға созылып жатыр. Соның 85 пайызының мәртебесі анықталған.