Ссылки доступа

“Ўздавкарантин” Туркиянинг Бурсасидан келтирилаётган уруғликлар учун тақиқ жорий этди


“Ўздавкарантин” инспекцияси 2021 йил 12 февралидан бошлаб Туркиянинг Бурса вилояти ҳудудидан Ўзбекистонга помидор ва қалампир уруғликлари экспорти учун вақтинчалик тақиқ жорий қилди.

Инспекция маълумотига кўра, бунга мазкур ҳудудда жойлашган BURSA TOHUMCULUK ZIRAAT VE TIC A.Ş. корхонасидан Ўзбекистонга келтирилган 85 кг помидор уруғлигида “Помидор жигарранг бужмайиш вируси” (Tomato brown rugouse fruit virus) аниқлангани сабаб бўлган.

Қайд этилишича, ҳолат юзасидан 2021 йилнинг 11 февралида Ўзбекистонга карантин остидаги маҳсулотларни олиб киришда белгиланган фитосанитария талаблари бузилганлиги тўғрисидаги нотификация Туркиянинг Ўсимликлар карантини ва ҳимояси бўйича миллий ташкилотига юборилган.

“Ўздавкарантин” шу кунгача Туркиянинг ваколатли органидан бу борада жавоб хати келиб тушмаганини билдирган. Инспекция мазкур тақиқ қачонгача давом этишига аниқлик киритмаган.

XS
SM
MD
LG