Ссылки доступа

Буюк Британия ва бошқа 10 мамлакатда коронавируснинг янги тури аниқланди


B1525 деб номланган коронавируснинг янги варианти Буюк Британияда, шунингдек Дания, АҚШ, Австралия ва Нигерия каби ўнлаб бошқа мамлакатларда топилди. Бу ҳақда The Guardian Эдинбург университети тадқиқотчиларига иқтибос келтирган ҳолда хабар бермоқда.

Таъкидланишича, дастлабки ҳолатлар декабрдан бошланиб, Буюк Британия ва Нигерияда пайдо бўлган.

Олимларнинг фикрига кўра, янги штамм Буюк Британияда декабрь ойида пайдо бўлган B117 га ўхшайди, аммо ундан назарий жиҳатдан вирусни антитаначаларга чидамли бўлишига олиб келадиган «мутациянинг потенциал хавфи» билан ажралиб туради. Буюк Британияда вируснинг янги вариантини юқтиришнинг камида 32 та ҳолати, Данияда — 35, Нигерияда — 12, АҚШ, Франция, Гана, Австралия, Канада, Иордания ва Испанияда бир нечта ҳолат аниқланди.

Коронавирус мутациялари ўтган кузда, олимлар Буюк Британияда SARS-CoV-2 нинг янги, юқумли тури пайдо бўлганлиги ҳақида хабар беришганидан бери катта ташвишга тушишди. Жанубий Африкада яна бир янги штамм аниқланди. Синовлар унга қаршиAstraZeneca ва Pfizer вакциналарининг паст самарадорлигини кўрсатди.

Жанубий Африка ҳукумати COVID-19 вакцинаси АстраЗенеcа ишлаб чиқарадиган Ҳиндистоннинг Серум институтидан 1 миллион дозали дорини қайтариб олишни илтимос қилди, деб хабар бермоқда The Economic Times расмийларга таяниб.

Дунё бўйлаб янги COVID-19 инфекциялари сони кетма-кет бешинчи ҳафта камайди. Бу ҳақда Жаҳон соғлиқни сақлаш ташкилоти (ЖССТ) бош директори Тедрос Гебреесус айтиб ўтди. Агар йил бошида ҳар ҳафта 5 миллион одам юқтирган бўлса, энди бу кўрсаткич 2 миллионга камайди.

Жонс Хопкинс университети маълумотларига кўра, пандемия бошланганидан бери дунёда 109 миллиондан ортиқ одам коронавирус инфекциясини юқтирган, 2,4 миллиондан ортиғи вафот этган.

XS
SM
MD
LG