Ссылки доступа

Өзбекстан биыл 4 миллионнан астам адамға вакцина егуді көздеп отыр


Өзбекстанда коронавирусқа қарсы вакцинаны бірінші кезекте қабылдайтын 4 112 668 адам анықталды.

Қоғам денсаулығы және санитария-эпидемиология қызметінің өкілі Вазира Муталованың айтуынша, вакцина 65-74 жас аралығындағы 1 085 797 адамға, 85 жастан асқан 139 280 адамға, созылмалы ауруы бар 888 190 адамға, 689 383 мұғалімге, 223 426 балабақша қызметкеріне, Қарулы күштер мен құқық қорғау органдарының 180 000 қызметкеріне салынады.

Оларға вакцина егу үшін медицина мекемелерінде арнайы екпе бөлмелері ашылды.

Өзбекстанда 3138 пункт, 862 шұғыл бригада құрылды.

Өзбекстан президенті Шавкат Мирзияев коронавирусқа қарсы вакцина егу науқанын бастау жөнінде 10 ақпанда өткен жиналыста айтты.

Вакцина егу мемлекет бюджетінің есебінен жүзеге асырылады.

Өзбекстан коронавирусқа қарсы вакцинаның қай түрін қолданатыны туралы ресми мәлімет жоқ. Өзбекстандықтарға Қытай мен Ресейде өндірілген, сонымен бірге Дүнежүзілік денсаулық сақтау ұйымы кеңес берген вакциналарды егуі мүмкін.

XS
SM
MD
LG