Ссылки доступа

Журналистлар, фаоллар ва дипломатларнинг жазони ижро этиш муассасаларига киритилиши тартиби белгиланди


Вазирлар Маҳкамаси 19 февралда дипломатик корпус, халқаро ва маҳаллий нодавлат нотижорат ташкилотлар ҳамда оммавий ахборот воситалари вакилларининг жазони ижро этиш муассасаларига ташрифини ташкил этиш тартиби тўғрисидаги низомни тасдиқлади.

Адлия вазирлигининг 22 февралда маълум қилишича, республика ва маҳаллий нодавлат нотижорат ташкилотлар ҳамда ОАВ вакиллари жазони ижро этиш муассасалари - ЖИЭМга ташрифга рухсат олиш учун Ички ишлар вазирлиги Жазони ижро этиш бош бошқармасига ёзма ёки электрон шаклда мурожаат қилади.

Мурожаат 15 кун ичида кўриб чиқилади ҳамда натижаси бўйича мурожаат қилувчига ёзма (электрон) хабар юборилади.

Вакилларнинг ЖИЭМга ташрифи белгиланган ички тартиб-қоидаларга риоя қилган ҳолда ҳафтанинг иш кунларида - душанба кунидан жума кунига қадар соат 09:00 дан 19:00 гача амалга оширилади.

ЖИЭМга ташриф буюриш учун дипломатик корпус, халқаро нодавлат нотижорат ташкилотлар ҳамда хорижий ОАВ вакиллари Ташқи ишлар вазирлигига, Адлия вазирлигидан рўйхатдан ўтган ташкилотлар эса – Адлия вазирлигига тегишли мурожаатномани юборишлари лозим.

Мурожаатнома 5 иш кунида кўриб чиқилиб, тегишли тартибда ЖИЭББга юборилади.

ЖИЭМ маъмурияти режалаштирилаётган ташриф тўғрисида тегишли хабар олганидан сўнг унинг белгиланган муддатларда ўтказилишини ташкил этади.

XS
SM
MD
LG