Ссылки доступа

Россияда космодромларни бошқарган аёл Uzbekistan Airports ширкатига раҳбар этиб тайинланди


Uzbekistan Airports ширкати бошқарув раиси этиб Раъно Фрунзевна Жўраева тайинланди. Газета.уз нашрининг ҳукуматдаги ўз манбаси сўзларига таянган ҳолда хабар қилишича, янги раҳбар 22 февраль куни бош вазир Абдулла Арипов томонидан ширкат жамоасига таништирилган.

Москва авиация институтини тамомлаган Р. Жўраева техника фанлари номзоди илмий даражасига эга. У Бутунроссия ташқи савдо академиясида халқаро иқтисодий алоқалар, Ҳарвард бизнес мактабида эса молиявий менежмент стратегияси бўйича таҳсил олган.

Uzbekistan Airports’га раҳбар этиб тайинлангунига қадар Р. Жўраева Россиядаги “C7 космий транспорт тизимлари” (S7 Space) бош директори вазифасини бажарган, ундан ҳам олдин эса “Роскосмос”га қарашли Ерусти космик инфратузилма объектлари эксплуатацияси марказига раҳбарлик қилган.

Айни пайтда куни кеча Uzbekistan Airways ширкатида ҳам раҳбар алмашган. Бу вазифа 41 ёшли Илҳом Маҳкамов зиммасига юкланган.

Ўзбекистон парламентининг қуйи палатаси 22 февраль куни И. Маҳкамов номзодини транспорт вазири лавозимига тайинланишини маъқуллаган эди. Шу тариқа у бир вақтнинг ўзида ҳам вазирлик, ҳам Uzbekistan Airways ширкатига раҳбарлик вазифасини адо этадиган бўлган.

XS
SM
MD
LG