Янги кон Мангистау ва Бейнеу туманларида, Тепке майдонида жойлашган. Яқин атрофида эса «Қорақудуқ», “Арйстановскоэ” ва «Комсомолское» конлари жойлашган. Расмий маълумотларга кўра, конни ўзлаштиришни «Meridian Petroleum” компанияси амалга оширади.
Тадқиқот натижаларига кўра, кондаги нефть олтингугурт эмас, енгил бўлиб, стандарт усуллар ёрдамида олиниши мумкин. Углеводород захираларининг ҳажми қудуқни қуриш ва ўзлаштириш ишлари тугагандан сўнг аниқланади.
Meridian Petroleum Company президенти Балтабек Куандйковнинг сўзларига кўра, 2018 йилда Тепке майдонида геологик-қидирув ишлари олиб борилди, олтита истиқболли объектлар аниқланди. У ушбу конни Мангистау вилоятидаги «энг катта кони» деб атади.
Расмий маълумотларга кўра, Қозоғистон нефтининг 25 фоизи Мангистау вилоятида ишлаб чиқарилади. Захираларнинг катта қисми Жанаозен ва Бузашй (Бузачи) шаҳарларида тўпланган. Минтақада 60 га яқин нефть ва газ конлари ўрганилган.
Қозоғистон иқтисодиёти 85 фоиз хомашё экспортига боғлиқ.