Дубалга жан киргизген Иса

Караколдук жаш сүрөтчү Иса Султанбеков тамдын бооруна Кыргызстандын жаратылышын түшүрүп, портреттерди да келтире тарткан сүрөтчү. Анын эмгегин баалагандар улам күн санап көбөйүүдө. 23 жаштагы жаш талант азыр үйдө киреше тапкан жалгыз адам. Апасы жана бир тууган иниси оорулуу. Бирок тагдырдын сыноосуна сынбаган Иса Пабло Пикассо, Сүймөнкул Чокморов өңдүү сүрөтчүлөрдүн жолун жолдогусу келет.