Ссылки доступа

Алматыда дароо үч митинг өттү (видео)


4-мартта Алматыдагы Республика аянтында жалгыз адамдар катышкан үч пикет өттү.

Алар саясий туткундарды бошотууну, депутаттардын айлыгын азайтууну жана «Нур Отан» партиясынын төрага орун басары Бауыржан Байбектин соттолушун талап кылышты.

Өткөн жылдан бери саясий туткундарды бошотуу талабы менен бир нече жолу нааразылык акцияларга катышкан активист Дарига Рахим борбордук аянтка айрым камактагылардын сүрөттөрүн көтөрүп чыкты.

— Өлкөдөгү бардык саясий туткундарды бошотууну талап кылам. Алар 27 киши: Арон Атабек, Алмат Жумагулов, Кенжебек Абишев, Асет Абишев, Ержан Елшибаев, Шухрат Кибиров жана жаш активисттер. Бийлик акыркы кездери жарандык коомдун активисттерине карата куугунтукту күчөттү. Жарандык активисттер эмнени каалап жатышат? Алар укуктарынын сакталышын, Конституция кепилдеген эркиндиктердин чектелбешин талап кылууда. Алар бийлик алмашып, өлкөнүн өнүгүшүн каалашат. Биз бай өлкөбүз, кен байлыктарыбыз көп. Бирок эмнеге өнүккөн өлкөлөрдүн катарында эмеспиз?», — деген активист мындан ары да пикеттерге чыга бере турганын кошумчалады.

Дарига Рахимдин акциясы аяктагандан кийин аянтка Аскар Исатай аттуу калаа тургуну келди. Ал колуна «42 500 теңге» деген жазуусу бар плакат көтөрүп алган.

— Сенаторлор менен депутаттардын айлыктары 42 500 теңге болушу керек. Азыр алар кеминде 600-700 доллар алышат. Мындан тышкары кызматтык унаалары, иш бөлмөлөрү бар, байланышка, эс алууга деп өзүнчө акча бөлүнөт. Менимче, бир депутатка айына 2-3 миллион теңге кетет. Депутаттардын аткарган иши мынча акчага арзыбайт. Алардын катчылары, жардамчылары бар, алар да айлык алышат. Депутаттар менен сенаторлордун айлыгы 42,5 миң теңгеге төмөндөтүлсүн. Азыр өлкөдөгү көп балалуу энелер ушунча айлык алышат», — деди Аскар Исатай.

Андан соң шаардын борбордук аянтында активист Абай Ерекенов пикет өткөрдү. «Байбек соттолушу керек» деген жазууну көтөргөн активист «Нур Отан» партиясынын төрага орун басары Бауыржан Байбекти жоопкерчиликке тартууну талап кылды.

— Эми анын «коррупциялык иштерин» шаарды өнүктүрүүнүн башкы планы катары ишке ашырганы жатышат. Байбек коомдук угууларды өткөрбөстөн, калкка маалымат бербестен, жергиликтүү кеңештин жана министрлер кабинетинин чечимдери жок эле бир топ токтомго кол койгон. Алматыда Байбектин тушунда массалык түрдө мыйзамсыз курулуш иштери башталган», — деди Ерекенов.

Акыркы апталарда Казакстанда өкмөттүн саясатына нааразы болгон жарандардын бир нече нааразылык акциялары өттү. Алардын катышуучулары активисттерди куугунтуктоону токтотуу, саясий туткундарды бошотуу, турак жай маселелерин чечүү, энелер менен балдарды колдоону күчөтүү, айлыктарды жогорулатуу жана эмгек шарттарын жакшыртуу талаптарын айтууда.

Видео

Видео

Жаш муундар Элмирбек акынды эскеришти
пожалуйста, подождите

No media source currently available

0:00 0:06:25 0:00
XS
SM
MD
LG