Ссылки доступа

Узбекистон ба созмонҳои ғайритиҷорӣ иҷозат дод, аз хориҷ бештар маблағ дарёфт кунанд


Дар Узбекистон аз 1 марти соли равон ҳаҷми умумии маблағҳое, ки созмонҳои ғайридавлативу ғайритиҷорӣ аз сармоягузорони хориҷӣ дар як соли тақвимӣ бо огаҳ кардани ниҳоди қайди давлатӣ дарёфт мекунанд, аз 20 то ба 100 нишондиҳанда (1 нишондиҳанда 223 000 сӯм) афзоиш дода шуд.

Тавре аз Вазорати адлияи Узбекистон хабар доданд, ин меъёр дар фармони президенти он кишвар Шавкат Мирзиёев дар бораи чораҳои иловагӣ барои дастгирии созмонҳои ғайридавлативу ғайритиҷорӣ, таъмини фаъолияти озод, ҳифзи ҳуқуқ ва манфиатҳои қонунии онҳо" дарҷ шудааст, ки 3 март ба имзо расид.

Бар асоси фармон, муҳлати қайди дубораи созмонҳои ғайридавлативу ғайритиҷорӣ дар Узбекистон аз 1 моҳ ба 15 рӯз кам карда шудааст.

Ба ҷуз ин, Бунёди ҷамъиятии дастгирии созмонҳои ғайридавлатии Узбекистон барои сармоягузории лоиҳаву барномаҳое аз буҷа маблағ дарёфт хоҳад кард, ки ба рушди ин навъи созмонҳои дохилии он кишвар равона шудаанд.

XS
SM
MD
LG