Ссылки доступа

Домоди Мирзиёев баъди садамаи Тошканд дар Куриё ҷарроҳӣ шуд


Последняя информация, просочившаяся в местную прессу, подтверждает хронологию инцидента, освещенного Озодлик о ДТП с участием Отабека Умарова

Отабек Умарови 36-сола, муовини сардори Хадамоти амнияти роҳбари давлат ва домоди президенти Узбекистон Шавкат Мирзиёев 4 март дар бемористони Куриёи Ҷанубӣ ҷарроҳӣ шудааст.

Як манбаи наздик ба Умаров дар суҳбат бо хабаргузории Korrespondent.uz гуфтааст, ки домоди Мирзиёев то 4 март дар карантин буд. Хабаргузорӣ ҳамзамон акси мошинеро нашр кардааст, ки шоми 13 феврал Отабек Умаров бо мототсикл ба он бархурд.

Пештар чандин манбаи наздик ба ҳукумати Узбекистон ва Мирзиёев гуфтанд, ки домоди ӯ баъди ҷароҳатҳои сангинаш дар Тошканд барои муолиҷа ба Куриёи Ҷанубӣ интиқол дода шуд. Манбаъҳо мегӯянд, Умаров, ҳамсари Шаҳноза - духтари дувуми Мирзиёев дар садамаи нақлиётӣ аз сар ва поҳояш ҷароҳатҳои сангин бардоштааст.

Манбаъҳои бахши узбекии Радиои Озодӣ гуфтанд, ки президент Мирзиёев амр дод, ки дар робита бо садамаи мудҳиши домодаш нисбати чанд корманди амнияти хусусии ӯ тафтишоти дохилӣ анҷом шавад. Бархе нафароне, ки аз онҳо ҳамчун “атлет” ё варзишгар ном мебаранд ва дар лаҳзаи вуқӯи садама дар ҷои ҳодиса қарор доштанд, ҳамчунин мавриди тафтиш қарор дода мешаванд. Манбаъҳо гуфтанд, ки дафтари корӣ ва толорҳои варзишӣ дар Тошканд, ки таҳти назари тиҷоратҳои хусусии Умаров буданд, баста шуданд.

Ба иттилои манбаъҳо, Умарови 36-сола, муовини раиси амнияти хусусии президент Мирзиёев ва ҳам “варзишгарон” дар шаҳри Тошканд ҳар сари чанд вақт бо мошинҳои худ пойга ташкил карда, “ҳолати хатарноки нақлиётӣ” эҷод мекарданд.

XS
SM
MD
LG