Ссылки доступа

Путин тууралуу тасма тарткан компания Мирзиёев жөнүндө даректүү фильм тартууга киришти


Шавкат Мирзиёев тууралуу тасма «Өзбекстан. Жаңыланган тарых» деп аталат

Орусиялык «Мастерская» киностудиясы Өзбекстандын президенти Шавкат Мирзиёев жөнүндө документалдык тасма тарта баштады.

Быйыл август айынын аягына чейин бүткөрүү пландалып жаткан тасма Өзбекстан президентинин администрациясынын буйругу менен тартылууда.

«Мастерская» кинокомпаниясы 2015-жылы Орусиянын президенти Владимир Путин жөнүндө «Президент. Жаңы Орусиянын тарыхы» аттуу тасма тарткан. Айрым талдоочулар аны «көргөзмө пропаганда» деп баалашкан. 2018-жылы ушул эле компания алып баруучу Владимир Соловьев менен президент Путиндин бир жарым сааттык маегинин негизинде дагы бир даректүү тасма даярдаган.

Өзбекстандык киносынчы Акмал Ризаев «Мирзиёев тууралуу тасма Путин жөнүндөгү тасма менен окшош тартылат» деген пикирде. «Тасманын кыскача мазмуну менен таанышып чыктым. Анын негизги максаты — Мирзиёевдин башкаруусун сакралдаштыруу. Тасмада президент жарандардын көйгөйлөрүн уккан, коомду жаңылап жаткан, төрт тарабы төп келген лидер катары көрсөтүлөт. Анын форматы — «эл» жана анын чыныгы лидери Мирзиёев», — деди Ризаев.

Расмий түрдө өлкө Эгемендүүлүгүнүн 30 жылдыгына арналган тасма 1-сентябрда, өлкөдөгү президенттик шайлоого бир жарым ай калганда көрсөтүлөт.

Өзбекстанда президенттик шайлоо быйыл 24-октябрда өтөт. Мирзиёев азырынча өзүнүн бул шайлоого байланыштуу пландары тууралуу расмий билдирүү жасай элек.

Видео

Видео

Парламентаризмди алсыраткан 6-чакырылыш
пожалуйста, подождите

No media source currently available

0:00 0:30:09 0:00
XS
SM
MD
LG