Ссылки доступа

Өзбекстан мен Қырғызстан кәсіпкерлері шамамен 1 миллиард доллардың келісім-шарттарына отырды


11 наурызда Ташкенттегі "Яшнабад" технопаркінде өткен өзбек-қырғыз бизнес-форумында көрші екі ел кәсіпкерлері 291 инвестициялық және сауда келісімдеріне отырған. Олардың жалпы құны 935,1 миллион доллар болды. Бұл туралы Өзбекстанның инвестиция және сыртқы сауда министрлігі хабарлады.

Форумда өзбек-қырғыз бірлескен кәсіпорындары екі есе көбейгені айтылды. Сауда айналымы бес есеге ұлғайған.

Кәсіпкерлер ауыл шаруашылығы, тыңайтқыш өндірісі, құрылыс материалдарын өндіру, мақта-мата, жұлдызқұрт өсіру, туризм және лигистика салаларында әріптестік орнатқан.

Бизнес-форумға қатысушылар тікелей инвестиция тартуға жасалған жағдай туралы мәлімет алды.

Форум Қырғызстан президенті Садыр Жапаровтың Ташкентке мемлекеттік сапары аясында ұйымдастырылды.

XS
SM
MD
LG