Милиция мәліметі бойынша, белсендіге қатысты сотқа дейінгі өндіріс ашылған.
Белсенді Құдайбергенов 15 наурызда ұсталған. Қазір ол Бішкек милициясының тергеу изоляторында отыр.
Тилекмат Құдайбергенов былтыр желтоқсанда құрылған Жетим-Тоо кенін қорғау қозғалысының жетекшілерінің бірі. 9 наурыза ол жаңа Конституцияны қабылдауға қарсы митинг ұйымдастыруға қатысты.
"Замандаш" партиясының бұрынғы жетекшісі Жениш Молдокматовтың хабарлауынша, 15 наурызда милиция Құдайбергеновтің үйінде, "Ханституцияға қарсы" қозғалысының кеңсесінде тінту жүргізген.
9 наурызда Қырғызстан астанасында жаңа Конституцияны қабылдауға қарсы митинг өтті. Наразылық акциясына қатысушылар бұл құжаттан бас тартып, парламентті таратуды талап етті.