Тибқи лоиҳаи қонун, ки аз сӯи Академияи илмҳои Узбекистон таҳия ва 16 март дар сомонаи regulation.gov.uz нашр шуд, алифбои нави узбекӣ аз 28 ҳарф иборат хоҳад буд.
Муаллифони тарҳ пешниҳод кардаанд, ки ҳарфи Ғ ғ дар шакли Ḡ ḡ, Ӯ ӯ дар шакли Ō ō, Ш ш дар шакли Ş ş ва Ч ч дар шакли Ç ç истифода шавад. Гузинаи нави алифбои узбекӣ ба алифбоҳои лотиниасосе наздик аст, ки дар кишварҳои дигари туркзабон истифода мешаванд.
Баррасии тарҳ то 31 марти соли равон идома хоҳад ёфт.
Ҳукумати Узбекистон моҳи гузашта эълом кард, ки аз 1 январи соли 2023 тадриҷан ба алифбои узбекии лотиниасос мегузаранд.