Ссылки доступа

Андижондаги касалхонада ёнғин чиқди (видео)


Андижон вилояти Андижон тумани Шифокор кўчасида жойлашган тиббиёт бирлашмасига қарашли бинода 17 март куни соат 18:42 да ёнғин содир бўлди. Ижтимоий тармоқларда тарқалган мазкур хабарни Андижон вилоят ҳокимлиги матбуот хизмати тасдиқлади.

“Ёнғин содир бўлаётган жойга Андижон тумани Фавқулодда вазиятлар бўлимининг ёнғин-қутқарувчилари зудлик билан етиб борган. Маълум бўлишича, ёнғиндан бинонинг 100 кв.м майдони, том ва шифт қисми ёниб зарар кўрган. Бинода бўлган 20 нафар бемор ўз вақтида хавфсиз жойга эвакуация қилинган. Шу сабабли инсонларнинг ҳалок бўлиши ва тан жароҳат олиши қайд этилмаган”,- дейилади расмий хабарда.

Билдирилишича, ёнғин бир неча дақиқа ичида бартараф этилган. Ўт ўчирувчиларнинг саъй-ҳаракатлари натижасида бинонинг 500 кв.м майдони ёнғиндан сақлаб қолинган.

XS
SM
MD
LG