Улар, шунингдек, уй-жой муаммолари ва ижтимоий нафақаларнинг етарли эмаслигидан нолишган.
- Бир хонада бешта бола билан яшаймиз. Илгари коммунал хизматлар учун ойига 15-18 минг танга тўлаганман. Энди мен 53 минг тангага квитанция оламан. Ахлатни тозалаш, канализация — буларнинг барчаси бир кишига тўғри келади. Бу шунчаки даҳшатли. Эрим ойига 100 минг танга олади. Квартира ижарага берилган. Аммо болалар учун озиқ-овқат ва кийим-кечак билан таъминлаш керак. Биз нимага яшашимиз керак? — деди бугун ҳокимликка келган оналардан бири Альбина Одилова.
Бошқа келганлар Одилова айтган сўзларга қўшилишди. «Биз нон ва сувга кун кўрамиз», деди аёллардан бири. Йиғилганларнинг баъзилари болалар билан бирга келишди.
Намойишчилар олдига чиққан Олмаота ҳокими ўринбосари Марат Кикимовнинг айтишича, «карантин туфайли» бинога ўтиш чекланган. У оломонни у билан бирга бошқа хонага боришга ишонтиришга уринди, аммо аёллар уларни ичкарига киритишларини талаб қилишди. Ҳокимият ходимлари аввал бинога ўтиш жойини ёпдилар, аммо қисқа тортишувлардан сўнг, аёллар кириш ҳуқуқига эга бўлишди, ОАВ вакиллари эса ичкарига киришмади.
Аёлларнинг сўзларига кўра, икки ҳафта олдин ҳокимият мутасаддилари билан учрашув керакли натижани бермаган ва шу сабабли улар шаҳар маъмурияти раҳбари билан учрашувни талаб қилишган.
Аввалроқ, расмий ОАВ Қозоғистонда 2020 йилда электр ва иссиқлик нархларининг кўтарилиши ҳақида хабар берган эди. Айрим ҳудудларда аҳоли коммунал хизматлар тарифлари ошишига қарши акциялар ўтказган.
Қозоғистонда оналарнинг ижтимоий нафақаларни кўпайтиришни талаб қилган норозиликлари одатий ҳол эмас. Намойишчилар асосан ҳар бир болага 21 минг танга миқдорида нафақа тўланишини, уй-жой масаласини ҳал қилишни ва ногирон болали оилаларга ижтимоий нафақалар берилишини талаб қилмоқда.