Маҳаллий полиция раҳбари Марис Херолднинг сўзларига кўра, гумонланувчи ҳибсга олинган. Америка телеканаллари полициячилар супермаркет биносидан оёқлари қонга беланган, устки кийимсиз одамни олиб чиқиб кетишаётгани акс этган кадрларни намойиш этди.
Ҳужум қилган шахснинг мотивлари ҳақида ҳали маълумот йўқ.
АҚШ президенти матбуот котиби Жен Псакининг сўзларига кўра, Жо Байденга отишма ҳақида маълумот берилган.
Бу АҚШда бир ҳафта ичидаги иккинчи қирғин. Ўтган сешанба куни Жоржия штатининг Атланта шаҳрида учта массаж салонида саккиз киши ҳалок бўлди. Ҳужум қурбонлари орасида 7 аёл бор, улардан 6 нафари осиёлик. Отишмани ташкил қилган шахс 21 ёшли оқ танли эркак. АҚШ президенти Жо Байден АҚШнинг осиёлик аҳолисига қарши ирқий зўравонлик ва нафратни қоралади.