HRW 23 март куни эълон қилган баёнотда таъкидланишича, айни пайтда БМТнинг инсон ҳуқуқлари бўйича кенгаши аъзолигига қабул қилинган Ўзбекистонда “гомофобия, гейларга нисбатан таҳдид ва таъмагирлик”, қонунчиликда эса жиноий жазонинг мавжудлиги расмий Тошкент бошлаган ислоҳотларга “тушиб турган доғ”дир.
“Ўзбекистон Жиноий Кодекснинг бир жинсли сексуал муносабатлар учун жиноий жавобгарлик назарда тутилган 120-моддасини бекор қилиши, янги Жиноят кодексидан бир жинсли муносабатларга жиноий жазо берилиши тўғрисидаги ҳар қандай моддаларни олиб ташлаши керак”, - дейилади HRW баёнотида.
Халқаро ҳуқуқ ташкилоти Тошкентни “жинсий ориентацияси ва гендер ўзгачалиги ортидан зўравонликларга учраган, жумладан, ҳуқуқ-тартибот органлари томонидан таҳдиларга дучор бўлганлар юзасидан тергов ўтказишга ҳамда айбдорларни жазолашга” чақирган.
“Ўзбекистоннинг халқаро ҳамкорлари Ўзбекистон инсон ҳуқуқларига оид асосий меъёрларни бажариш юзасидан зиммасига олган халқаро мажбуриятлар доирасида бир жинсли муносабатлар учун жиноий жавобгарликни бекор қилиши учун босим кўрсатиши лозим”,- дейилади баёнотда.