Бошқарманинг таъкидлашича, прокуратура ва тергов бўлинмалари томонидан қўзғатилган жиноят ишларини тергов қилиш натижалари бўйича кейинги иш юритишни тугатиш тўғрисида «қонун асосида» процессуал қарорлар қабул қилинган. Миллий хавфсизлик давлат қўмитаси маълумотларига кўра, Бабанов ва унинг қариндошларининг ҳаракатлари билан давлат, юридик шахслар ва фуқароларнинг манфаатларига зарар етказиш фактлари мавжуд эмас.
«Шу билан бирга, Омурбек Бабанов билан 100 миллион сом (тахминан 1,2 миллион доллар) миқдоридаги маблағни давлат бюджетига кўмак сифатида ихтиёрий равишда ўтказиш тўғрисида келишувга эришилди», — дейилади Миллий хавфсизлик давлат қўмитасида.
2017 йилги президентлик сайловлари Омурбек Бабанов иккинчи ўринни эгаллади, у мамлакатни тарк этди ва сиёсий карьерасини тугатганлигини эълон қилди. Маълум муддат Москвада бўлган сиёсатчи 2019 йил август ойида Қирғизистонга қайтиб келди.
Қайтиб келганидан кейин Бабанов молия полицияси ва Миллий хавфсизлик давлат қўмитаси томонидан бир неча бор сўроқ қилинган. 2020 йил 29 августда молия полициясида ўтказилган навбатдаги сўроқдан сўнг, у 8 та жиноят иши бўйича сўроқ қилинаётганини, тўрттасида молия полицияси, қолган тўрттасида эса Миллий хавфсизлик давлат қўмитасида эканлигини маълум қилган. Декабрь ойида «Қирғизистон» банкининг Омурбек Бабанов билан боғлиқ мол-мулки ҳибсга олингани маълум бўлди.
Норозилик ва митинглар билан якунланган 2020 йилги парламент сайловларидан сўнг «Ата Мекен”, «Бир Бол», «Республика» ва «Ислоҳот» партиялари бирлашишини эълон қилди ва Омурбек Бабановни бош вазир лавозимига кўрсатди. Спикерлар ўзларининг баёнотларида ўзини бош вазир деб эълон қилган Садир Жапаров ишининг ноқонунийлигини эълон қилишди ва парламентдан бош вазирни қонуний равишда сайлов ўтказилишини талаб қилишди.
Муддатидан олдин бўлиб ўтган президентлик сайловларидан олдин Бабанов номзодини қўймаслигини эълон қилган ва Садир Жапаровнинг номзодини қўллаб-қувватлашга қарор қилган.